ଭୁବନେଶ୍ୱର, ୨୩/୦୩ : ସୁବର୍ଣ୍ଣରେଖା ନଦୀରୁ ମିଳିଲା ଦ୍ଵିତୀୟ ବିଶ୍ୱଯୁଦ୍ଧ ସମୟର ବୋମା । ୫୦୦ ପାଉଣ୍ଡ ଜୀବନ୍ତ ଆମେରିକୀୟ ବୋମା ଠାବ । ବୋମାକୁ ନିଷ୍କ୍ରିୟ ପାଇଁ ସେନାର ସହାୟତା ଲୋଡ଼ିଛି ପୁଲିସ । ମୟୁରଭଞ୍ଜ ଜିଲ୍ଲା ସୀମାନ୍ତ ଝାଡ଼ଖଣ୍ଡର ପୂର୍ବ ସିଂହଭୂମ ଜିଲ୍ଲା ଅନ୍ତର୍ଗତ ବହରାଗୋଡ଼ା ଅଞ୍ଚଳରେ ଥିବା ସୁବର୍ଣ୍ଣରେଖା ନଦୀ କୂଳ ବାଲିରୁ ଏକ ଶକ୍ତିଶାଳୀ ତଥା ଜୀବନ୍ତ ବୋମା ଉଦ୍ଧାର କରାଯାଇଛି ।
ଦ୍ୱିତୀୟବିଶ୍ୱଯୁଦ୍ଧ ସମୟର ଏକ ଆମେରିକୀୟ ବୋମା ବୋଲି ସୂଚନା ମଳିଛି । ଯାହାର ଓଜନ ପ୍ରାୟ ୫୦୦ ପାଉଣ୍ଡ ବା ୨୨୭ କିଲୋଗ୍ରାମ । ଏହି ବିଶାଳକାୟ ବୋମା ମିଳିବା ପରେ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଥିବା ବେଳେ ପ୍ରଶାସନ ଏବଂ ପୋଲିସ ଆଲର୍ଟ ମୋଡ୍ରେ ଅଛନ୍ତି । ଗ୍ୟାସ୍ ସିଲିଣ୍ଡର ଭଳି ଦେଖାଯାଉଥିବା ଏହି ବୋମା ଉପରେ ସ୍ପଷ୍ଟ ଭାବରେ ଆମେରିକାନ ମେଡ ବୋଲି ଲେଖାଯାଇଛି ।